The Believers

     Ang “BELIEVERS IN JESUS CHRIST THE LORD CONGREGATION” o KALIPUNAN NG MGA MANANAMPALATAYA KAY JESU-CRISTONG PANGINOON, ay isang grupo o kalipunan ng mga tao na sumasampalataya sa ating Panginoong Jesucristo.  Ang sa atin ay isang pangrelihiyong kalipunan o grupo, na katulad at bahagi lamang ng kabuuang katawan ng lahat ng mga mananampalataya, na siyang iglesiyang itinatag ng ating Panginoong Jesucristo (MATEO 16:18).

     Ito ay hindi nangangahulugan na tayo lamang ang tanging mga tao sa sanglibutan na sumasampalataya sa Kaniya.  Ang lahat ng mga tao sa sanglibutan, na sila na ayon sa Evangelio, sumampalataya sa ating Panginoong Jesucristo, ay mga tinawag ng Dios sa pakikisama sa Kaniyang Anak at upang matamo ang kaluwalhatian ng ating Panginoong Jesucristo.  Ating kinikilala at tinatanggap na bukod sa atin ay may iba pang mga tao sa buong sanglibutan na sumasamplataya sa ating Panginoong Jesucristo dahil sa sinasabi ng Biblia:

Juan 3:16  Sapagka't gayon na lamang ang pagsinta ng Dios sa sanglibutan, na ibinigay niya ang kaniyang bugtong na Anak, upang ang sinomang sa kaniya'y sumampalataya ay huwag mapahamak, kundi magkaroon ng buhay na walang hanggan.

     “...UPANG ANG SANGLIBUTAN AY SUMAMPALATAYA 

NA IKAW ANG NAGSUGO SA AKIN.”  (JUAN 17:21).